Huawei Toshkent shahridagi International House litseyiga Smart Class taqdim etdi

Huawei kompaniyasi Toshkent shahridaga International House litseyiga “aqlli sinf” — Smart Class taqdim etdi. Bu haqda “Infocom.uz” xabar bermoqda. 

Smart Class kompaniya uchun yangi yo‘nalish bo‘lib, o‘quvchilarga interfaol tartibida o‘qituvchi bilan bog‘lanish va umumiy hamda shaxsiy mashg‘ulotlar o‘tish imkonini beradi.

Shuningdek, sinf videokonferensiya tizimi bilan jihozlangan bo‘lib, bu litsey o‘qituvchi va o‘quvchilariga xorijiy ma’ruzachilar, mutaxassislar bilan tajriba almashishda yordam ko‘rsatadi. 

Litsey rahbariyati yaratilayotgan texnologik imkoniyatlardan foydalanib, kelgusida onlayn video-darslarni tashkillashni rejalashtirmoqda.

Qayd etish joizki, “aqlli podium” va “aqlli doska” bilan jihozlangan Smart Class Markaziy Osiyoda analoglarga ega emas. 

“Daryo”ning Telegram’dagi rasmiy kanali — @toshqindaryo’ga a’zo bo‘ling!