» » Hakamlar Boshqarmasi rahbari Toshkent derbisigacha O‘FFdan o‘z xohishiga ko‘ra ishdan ketgani ma’lum bo‘ldi

Hakamlar Boshqarmasi rahbari Toshkent derbisigacha O‘FFdan o‘z xohishiga ko‘ra ishdan ketgani ma’lum bo‘ldi


O‘FF qoshidagi Hakamlar Boshqarmasi boshlig‘i sifatida ishlab kelayotgan Noil Lutfulin o‘z xohishiga ko‘ra ishdan ketgan. Bu haqda tashkilot matbuot xizmati xabar berdi.

Ayni paytda O‘FF Hakamlar Boshqarmasiga yangi rahbar izlash ishlari bilan band. Noil Lutfulin nima sababdan iste’foni istab qolgani borasida aniq ma’lumotlar yo‘q.

O‘zbekiston Oliy Ligasining 26-turidan joy olgan “Paxtakor” — “Bunyodkor” o‘yiniga qadar Lutfulin vazifasida ortiq ishlashni xohlamagan. Avvalroq Toshkent derbisiga Aziz Asimov boshchiligidagi hakamlar brigadasi tayinlangan bo‘lsa, mamlakatning eng tajribali referisi Ravshan Ermatov ahamiyati nisbatan pastroq bo‘lgan “Neftchi” — “Qizilqum” o‘yinini boshqarish uchun Farg‘onaga jo‘natib yuborilgandi.

Oliy Liga hakamlari bilan bog‘liq so‘nggi vaqtlarda bir qator ko‘ngilsiz voqealar kuzatilmoqda. Hammasi “Buxoro” va “Dinamo” klublari o‘rtasidagi o‘yindan keyin boshlangan bo‘lib, uchrashuv referisi Rustam Bobomurodov birgina bahsli vaziyat sabab bir umrga futboldan chetlatilgandi.

Keyinroq “Sho‘rtan” — “Navbahor” o‘yinida bir qator xatolarga yo‘l qo‘ygan Olim Tolibjonov 10 ta o‘yinga chetlashtirildi. “Paxtakor” — “Qo‘qon—1912” o‘yinini boshqargan har to‘rt hakam mavsum yakuniga qadar futboldan chetda qoldirildi. Ular o‘yinni saviyasiz boshqargani aytildi hamda shunday hakamlarga yuqori baho qo‘ygan nazoratchi ham chetlatildi. O‘FF Hakamlar Boshqarmasi bunda saviyasiz deganda aynan nima nazarda tutgani va hech qanday ahamiyat kasb etmagan to‘rtinchi hakam nega chetlatilgani borasida aniq-tiniq bayonot bermadi.

“Paxtakor” ishtirokidagi so‘nggi ikki bellashuv ham hakamlar masalasiga borib taqaldi. Birida Sherzod Qosimov “Buxoro”dagi o‘yinda bahsli penalti belgilagan bo‘lsa, “Bunyodkor”ga qarshi bellashuv taqdirini yaqqol ofsayddan urilgan gol hal qildi. Hakamlar Qo‘mitasi so‘nggi ikki uchrashuv hakamligini o‘rganib chiqishga ulgurmadi.

“Daryo” yangiliklarini Facebook’da kuzatib boring

Опубликовано: admin (27-10-2017, 10:30)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 42) ( 0) ( 40) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют