BMT Bashar Asad tuzumini Xon-Sheyxunga kimyoviy hujum uchun javobgar deb topdi

BMT ekspertlari Suriya prezidenti Bashar Asad tuzumini joriy yil 4-aprelida Xon-Sheyxun shahrida amalga oshirilgan kimyoviy hujum uchun javobgar deb topdi. Bu haqda “Gazeta.ru” xabar bermoqda.

Xon-Sheyxunga zarin yordamida amalga oshirilgan hujum oqibatida 87 kishi, jumladan, 31 nafar bola halok bo‘lgani qayd etilmoqda. Jabrlanganlar soni 500 kishidan oshib ketdi.

Oldinroq MRB rahbari Mark Pompeo ham AQSh razvedka tizimlarida Suriya hukumat kuchlari Xon-Sheyxunda kimyoviy qurol qo‘llaganining yetarlicha dalillari borligini bildirgandi.

“Daryo” yangiliklarini Facebook’da kuzatib boring