Indoneziya rasmiylari Balidagi favqulodda vaziyat tartibini uzaytirdi

Indoneziya rasmiylari Agung tog‘ida vulqon otilishi xavfi kamayganiga qaramay, Bali kurortidagi favqulodda vaziyat tartibini uzaytirdi. Bu haqda “TASS” xabar bermoqda. 

Hukumatning Tabiiy ofatlar oldini olish agentligi va boshqa muassasalar vakillari ishtirokidagi yig‘ilishidan so‘ng shunday qaror qabul qilindi. Rasmiylar xavfli hudud radiusini 12 kilometrdan 6 kilometrgacha qisqartirmoqchi edi, biroq mutaxassislar bu rejani qo‘llab-quvvatlamadi.

Mahalliy hukumatning dastlabki hisob-kitoblariga ko‘ra, 22-sentabrda e’lon qilingan favqulodda vaziyat tartibi tufayli ko‘rilgan zarar 146 million dollarni tashkil etdi.

Bu summaga, jumladan, 134 ming kishidan iborat mahalliy aholini evakuatsiya qilish xarajatlari, shuningdek, xorijiy sayyohlarning Baliga safardan voz kechishi oqibatida ko‘rilgan zarar kiradi.

“Daryo”ning YouTube’dagi rasmiy sahifasiga obuna bo‘ling