Tramp ichish va chekishdan qanday qilib voz kechganini aytib berdi

Donald Tramp tamaki chekish va alkogol ichishdan voz kechganini ma’lum qildi. Bu haqda, CNN telekanaliga asoslanib, “RBK” xabar bermoqda.

Trampning so‘zlariga qaraganda, uning akasi Fred 1981-yili 43 yoshida alkogolizm oqibatida hayotdan ko‘z yumgani unga qattiq ta’sir qilgan.

“Mening Fred islmi akam bor edi. U ajoyib yigit edi, eng chiroyli, mendan ancha yaxshi odam edi. Lekin uning muammosi bor edi. Alkogol muammosi”, — dedi Tramp.

Uning so‘zlariga qaraganda, Fred ukasini spirtli ichimliklardan tiyiliga chaqirgan, buning natijasida Donald Tramp ichik va chekishdan voz kechgan.

“U menga ichma, ichma derdi. U mendan katta edi, men uni hurmat qilar va gapiga quloq solar edim. Men buni Freddan o‘rgandim”, — xulosa qildi prezident.

“Daryo” yangiliklarini Facebook’da kuzatib boring