AQSh: KXDR muammosini tinch yo‘l bilan hal qilish vaqti tugayapti

KXDR muammosini tinch yo‘l bilan hal qilish uchun vaqt o‘z nihoyasiga yetmoqda. Bu haqda AQSh prezidentining milliy xavfsizlik bo‘yicha maslahatchisi Gerbert Makmaster ma’lum qildi, deb yozadi “RIA Novosti”.

“Shimoliy Koreya — butun dunyo uchun xavf, shunday ekan dunyoning barcha mamlakatlari ushbu xavfga qarshi turish uchun ko‘proq harakat qilishi kerak. Prezident vaqt tugab borayotganini tan oladi va barcha mamlakatlardan KXDR muammosini yechishga ko‘proq hissa qo‘shishni so‘raydi”, — dedi u.

Makmaster eski yondashuvlar “ish bermagani”ni ta’kidladi. “Shimoliy Koreya atrofidagi inqirozni hal qilish bo‘yicha haqiqiy muvofiqlashgan kuchlarni qo‘llash vaqti keldi”, — dedi Oq uy vakili.