Puchdemonning advokati siyosatchi hibsga olish haqidagi orderdan yashirinmoqchi emasligini ma’lum qildi

Kataloniya sobiq rahbari Karles Puchdemonning advokati Pol Bekayert himoyasi ostida bo‘lgan siyosatchi Yevropaning hibsga olish to‘g‘risidagi orderidan yashirinmayotgani va Belgiya hukumati qaroriga bo‘ysunishini ma’lum qildi, deb yozadi “Gazeta.ru”.

“U Belgiya adliyasi bilan hamkorlik qilishni rejalashtirmoqda. Puchdemon Yevropa mandatidan yashirinmoqchi emas. U sudga boradi va biz uni himoya qilamiz”, — deydi advokat.

U Belgiyadagi yuridik tashkilotlar Puchdemonning hibsga olinishini tasdiqlasa, Kataloniya rahbari Ispaniyaga ekstraditsiya qilinishini ta’kidladi.