AQShdagi Starbucks kafesida noma’lum shaxs otishma uyushtirdi

AQShning Chikago shahridagi Starbucks kafesida noma’lum shaxsning otishma uyushtirishi oqubatida bir kishi halok bo‘ldi, yana ikki kishi yaralandi. Bu haqda “Korrespondent.net” xabar bermoqda.

“Guvohlarning so‘zlariga ko‘ra, Uptown tumanidagi Starbucks kafesidagi otishmada bir kishi halok bo‘lgan va yana ikki kishi, jumladan 12 yoshli bola yaralangan”, — deyiladi xabarda.

Halok bo‘lgan kishining ikki nafar voyaga yetmagan farzandi yetim bo‘lib qolgan.

Xabarda qayd etilishicha, odamlarga qarata o‘q uzgan shaxs to‘q rangdagi kiyimda bo‘lgan, uning yuzida esa niqob bo‘lgan.