Havaskor reklama roliki eski Honda’ning narxini 40 barobarga oshirib yubordi (video)

Reddit tarmog‘idagi maxlanman taxallusli foydalanuvchi yaxshi ko‘rgan qizining 1996-yilda ishlab chiqarilgan Honda Accord avtomobilini sotish uchun reklama rolikini suratga oldi. Rolik tarmoqda ommalashib ketdi va qariyb 500 ming marta tomosha qilindi. Natijada avtomobilning eBay tizimidagi narxi 40 barobar o‘sib, 499 dollardan 20 ming dollarga chiqdi. Bu haqda “Motor” xabar berdi.

Sotuvga qo‘yilgan avtomobil beshinchi avloddagi Accord hisoblanadi. Model 2,2 litr sig‘imli atmosfera dvigateli bilan jihozlangan bo‘lib, u 150 ot kuchiga ega. Mashina to‘rtta darajali avtomat tezlik uzatish qutisiga ega.