Malayziyada “o‘qishga joylash”ni va’da qilgan firibgar 1,5 ming dollarni o‘zlashtirib yubordi

Toshkent shahrida yashovchi, 1995-yilda tug‘ilgan Saydali Abduxoliqov (ism-shariflar shartli) Bekobod tumanida istiqomat qiluvchi tengdoshi Mahmudali Yashnarovning ishonchini suiiste’mol qildi. Bu haqda Toshkent viloyati IIB matbuot xizmati ma’lum qildi.

U 2014-yil aprel oyida Bekobod shahrida Mahmudaliga Malayziyadagi oliy o‘quv yurtiga o‘qishga joylashtirish uchun hujjatlar topshirishda yordam va’da qilib, 1500 dollar oladi. Biroq shu paytgacha na va’dasini bajardi, na pulni qaytardi.

Ushbu holat yuzasidan Abduxoliqovga nisbatan JKning 168-moddasi 1-qismi bilan jinoyat ishi qo‘zg‘atildi. Tergovni IIB olib bormoqda.