Tramp: KXDR AQShga qarshi yadroviy qurol qo‘llamaydi

AQSh prezidenti Donald Tramp Shimoliy Koreya AQShga qarshi yadroviy quroldan foydalanishi mumkinligi haqidagi fikrlarga qo‘shilmasligini bildirdi. Bu haqda u ABC telekanaliga bergan intervyusida ma’lum qildi, deb xabar beradi “TASS”.

Jurnalist davlat rahbariga amerikaliklarning yarmi Shimoliy Koreya yadroviy qurol qo‘llashidan qo‘rqayotgani haqida savol berdi.

“Bundaylar ko‘pligi achinarli. Men bunga mutlaqo qo‘shilmayman”, — dedi Tramp.

“Nima bo‘lishini ko‘ramiz. Men yaqinda boradigan Xitoy va XXR raisi Si Szinpin bu masala ustida ishlayotganiga aminman”, — qo‘shimcha qildi Oq Uy xo‘jayini.