Peterburgda BMW X6 boshqarayotgan ayol o‘zbekistonliklar ketayotgan mikroavtobusni urib yubordi

Rossiyaning Sankt-Peterburg shahrida Mercedes mikroavtobus va BMW to‘qnashib ketdi. Bu haqda “Kommersant.uz” xabar bermoqda.

Yetti kishi jabrlandi. Ularning bari O‘zbekiston fuqarolaridir. Voqea joyiga yetib kelgan tez yordam mashinalari ularni shifoxonaga yetkazdi.

Guvohlarning so‘zlariga qaraganda, BMW X6 boshqarib ketayotgan ayol Mersedes mikroavtobusini o‘tkazib yubormagan, uni yonidan urib, ag‘darib yuborgan.