KXDR jismoniy kuch bilan Trampning “adabini berish” zarurligini ma’lum qildi

Shimoliy Koreyaning Rodong Sinmun davlat gazetasida chop etilgan maqolalardan biri AQSh yetakchisi Donald Trampning “adabini beradigan” narsa faqat jismoniy kuch ekanligi aytildi. Bu haqda “RBK” xabar bermoqda.

“Tramp qachon o‘ylamay qadam tashlashini hech kim ayta olmaydi. Uni bunday qadamdan tutib qolishning yagona yo‘li jismoniy kuch bilan adabini berishdir”, — deyiladi materialda.

Materialda KXDR bor kuchi bilan AQShga qarshi turishi ta’kidlangan.

“Tramp va uning qurshovini yana bir bor ogohlantiramiz. Agar ular vayronalarni yig‘ishtirib yurishni xohlamasa, o‘ylamay qadam tashlashmasin”, — deyiladi maqolada.