Farg‘ona viloyati o‘z sayyohlik brendiga ega bo‘ldi

Farg‘ona viloyati o‘z sayyohlik brendiga ega bo‘ldi. Bu haqda O‘zbekiston Turizmni rivojlantirish davlat qo‘mitasi matbuot xizmatiga tayanib, “Gazeta.uz” xabar berdi.

Viloyat hokimligi tomonidan tasdiqlangan logotipda “rivojlanayotgan ekoturizm vodiyni o‘rab turgan tog‘lar orqali, gastronomik va agroturistik sohalar — yorqin qizil anor ko‘rinishida, madaniy-ma’rifiy turizm — ko‘k gumbazlar va Farg‘ona do‘ppilaridagi naqshlar orqali tasvirlangan”.

Shuningdek, logotipning yumaloq shakli rishtonlik ustalar tomonidan ishlangan sopol laganni yodga soladi, undagi ranglar gammasi esa Marg‘ilon ipagining ramzidir.

Logotip shiori Ferghana. Enjoy the Beauty (“Farg‘ona. Go‘zallikdan bahra ol”).