Arab koalitsiyasi ar-Riyod bo‘ylab raketa uchirilganidan so‘ng Yamandagi barcha portlarni yopmoqda

Arab koalitsiyasi qo‘mondonligi Yamandagi barcha aeroport va portlarning yopilishini ma’lum qildi, deb xabar beradi “TASS”.

“Arab koalitsiyasi qo‘mondonligi Yamandagi barcha yer usti, havo va dengiz portlarini yopishga qaror qildi”, — deyiladi xabarda.

Koalitsiya qo‘mondonligi mamlakat aholisi, gumanitar ishchilar va shuningdek, diplomatik missiyalarni harbiy harakatlar o‘tkazilayotgan va Yaman hukumati tomonidan nazorat qilinmaydigan tumanlarni chetlab o‘tishni maslahat bermoqda.

4-noyabr kuni Saudiya Arabistoni tomonidan boshqariladigan koalitsiya harbiy-havo kuchlari Yaman poytaxtida isyonchi-xusiylar tomonidan ar-Riyod tomonga uchirilgan ballistik raketani tutib qolgan edi.