Iroq sudi mustaqil Kurdiston yaratilishi imkonsizligini belgiladi

Iroq federal sudi Kurdiston muxtoriyatining mamlakat tarkibidan chiqishi mumkin emasligi haqida qaror qildi. Bu haqda “TASS” xabar bermoqda.

Oxirgi haftalarda Iroq Kurdistoni atrofidagi vaziyat keskinlik saqlab turibdi. 25-sentabrdagi referendumdan so‘ng mintaqa hukumati mustaqillik e’lon qilishga tayyorlanayotgan edi, ammo Iroq muntazam qo‘shinlari “Hashd ash-Sha’biy” qurollangan otryadlari ko‘magida kurdlarning “Peshmerga” qurolli militsiyasini Kirkukdan va yana ko‘plab pozitsiyalardan siqib chiqardi. Kurdiston prezidenti Mas’ud Barzoniy iste’fo berdi.

Shu masala yuzasidan o‘tkazilgan eshituvlardan so‘ng sud respublika konstitutsiyasida biror-bir mintaqaning ajralib chiqishini belgilaydigan modda yo‘qligini tasdiqladi.