Amazon asoschisi kompaniyaning bir millionta aksiyasini sotdi

Amazon.com onlayn savdo kompaniyasining asoschisi Jeff Bezos o‘tgan haftada kompaniyaning bir millionta aksiyasini sotdi. Bezos mazkur savdodan 1,1 milliard dollar ishlab olgan. Bu haqda “Korrespondent.net” xabar berdi.

Shu tariqa Bezosda Amazon’ning 80 millionta aksiyasi qoldi.

Bezos so‘nggi vaqtlarda Blue Origin LLC kosmik loyihasiga ko‘p miqdorda investitsiya kiritmoqda, biroq aksiyalar savdosidan tushgan mablag‘ning qayerga yo‘naltirilishi hozircha noma’lum.