Rossiya Vyetnamga T-90S tanklarini yetkazib berishni boshladi

Rossiya Vyetnamga T-90S va T-90SK tanklarini yetkazib berishni boshladi. Bu haqda harbiy-texnik hamkorlik bo‘yicha federal xizmat direktori o‘rinbosari Mixail Petuxov ma’lum qildi, deya xabar beradi “Interfaks”.

“Rossiya va Vyetnam ekspertlarining turkum muzokaralari natijasida T-90S va T-90SK tanklarini yetkazib berish bo‘yicha shartnoma imzolandi. Hozirda tomonlar mazkur shartnomani amalga oshirishga kirishdi”, — dedi Petuxov.

Oldinroq “Uralvagonzavod” korxonasining yillik hisobotida 2017-yili Vyetnamga 64 ta T-90S/SK yetkazib berilishi qayd etilgandi.

Mixail Petuxov Rossiya Vyetnamga zenit-raketa komplekslarini eksport qilish masalasini ham muhokama etayotganini bildirdi.