Texas universiteti hududida otishma ro‘y berdi

Fort-Uert shahridagi Texas xristian universiteti hududi otishma ro‘y berdi. Bu haqda “Interfaks” xabar qildi.

Aytilishicha, voqea 7-noyabr ertalabki soatlarda Fort-Uert stadioni yaqinida yuz bergan. Universitet avtobusi haydovchilaridan biri sherigi bilan talashib qolib, o‘qotar quroldan foydalangan. Universitet ishi vaqtinchalik to‘xtatildi, talabalar xavfsiz joyda yashirinish bo‘yicha ogohlantirildi.

Keyinchalik universitet vakillari OTMning Twitter’dagi sahifasi orqali vaziyat nazorat ostidaligini ma’lum qildi va universitet faoliyatini tiklandi.

O‘q uzgan erkak voqea joyidan qochib ketdi. Hozir uni politsiya qidirmoqda.