Singapurlik olimlar suvni har qanday ichimlikka aylantiruvchi stakan yaratdi (video)

Singapur milliy universiteti olimlari Vocktail deb nomlangan stakanni yaratdi. Stakan unga solingan suyuqlikning ta’m va hidini o‘zgartira oladi va shu tariqa foydalanuvchining retseptorlarini aldaydi. Bunda qurilma suyuqlikning kimyoviy tarkibini o‘zgartirmaydi. Bu haqda TJournal ma’lum qildi.

Qurilma ma’qul ko‘rilgan ichimlikning rangini hosil qiluvchi yoritgichli diodlar bilan jihozlangan. Hidni tarqatish maxsus gazli naychalar tomonidan bajariladi. Stakanning chetida eletr diodlar joylashgan bo‘lib, ular tilning holatiga qarab, suyuqlikka shirin, achchiq yoki sho‘r ta’m beradi.

Qurilma bir qator imkoniyatlarni taqdim etadi. Xususan, uni smartfon yordamida Bluetooth orqali boshqarish mumkin. Shuningdek, foydalanuvchi o‘zi ichayotgan ichimlikni do‘sti bilan bo‘lishishi hamda raqamli ichimlik yaratishi mumkin.