Tanzaniyada maktab o‘quvchilari granata o‘ynab, portlab ketdi

Tanzaniyada bolalar granata o‘ynab, uni tasodifan faollashtirib yubordi. Bu haqda BBC News xabar bermoqda.

Voqea Burundi chegarasiga yaqin Kagera viloyatidagi boshlang‘ich maktabda ro‘y berdi. Portlash oqibatida uch bola voqea joyida halok bo‘ldi, yana uch bola shifoxonada hayotdan ko‘z yumdi.

Bundan tashqari, 25 nafar bola jarohat oldi.

Nashrga ko‘ra, ushbu mintaqada Burundidan kelgan qochqinlar yashaydi. Ularning ko‘pchiligi ilgari armiyada xizmat qilgan. Taxminga ko‘ra, ulardan biri chegaradan o‘tish chog‘ida qurolni tashlab ketgan. Bundan tashqari, Kagerada noqonuniy qurol savdosi ham olib boriladi.