Qirg‘izistonda yashin o‘smir yigit, ot va itni o‘ldirdi

Qirg‘iziston shimolida chaqmoq zarbidan 16 yoshli o’smir vafot etdi. Shuningdek, uning yonida turgan hayvonlar ham qurbon bo‘lgan. Bu haqda mamlakat Favqulodda vaziyatlar vazirligiga tayanib, “Interfaks” xabar berdi.

Hodisa 7-noyabrda Issiqko‘l viloyatining Birlik qishlog‘ida yuz bergan. Bu vaqtda o‘smir otda uyga qaytayotgan edi. O‘smir hodisa joyida vafot etgan. U bilan birga bo‘lgan ot va it ham qurbon bo‘lgan.

Joriy yilda Qirg‘izistonda odamlarni chaqmoq urishi bilan bog‘liq oltita holat qayd etilgan. Holatlarning beshtasi o‘lim bilan yakunlangan. Vafot etganlarning uch nafari voyaga yetmaganlar bo‘lgan.