Ekspertlar iPhone X tannarxini aniqladi

TechInsights nashri ekspertlari Apple kompaniyasining iPhone X smartfoni ishlab chiqarish xarajatlarini aniqladi. Bu haqda “Korrespondent.net” xabar bermoqda.

Ma’lum bo‘lishicha, bir gadjet uchun butlovchilarning ulgurji qiymati 357,50 dollardan iborat.

Smartfon narxi bugungi kunda 999 dollardan boshlanmoqda va bu Apple tarixidagi eng baland ko‘rsatkich. Taqqoslash uchun, iPhone 8 narxi ishlab chiqilgan joyda 699 dollardan iborat.

Butlovchilar bo‘yicha gadjetda eng qimmati donasi 65,50 dollar bo‘lgan 5,8 dyuymli OLED-displey ekanligi ma’lum. Gadjet ramkasi 36 dollar, alyuminiy korpusi esa 21,50 dollar baholandi.

Biroq ekspertlar mazkur hisob-kitoblar faqat butlovchilarga tegishli ekanligi, yillar sarflangan ishlanmalar va izlanishlarni o‘z ichiga olmaganligini ta’kidlamoqda.