Iskandar Mahmudov “Kalashnikov”dagi ulushini sotib yuboradi

Rossiyaning “Kalashnikov” qurolsoz konserni xususiy investorlari — Andrey Bochkaryov va asli o‘zbekistonlik milliarder Iskandar Mahmudov kompaniyadagi ulushini sotib yuborishga qaror qildi. Bu haqda “RBK” xabar bermoqda.

“Kommersant” nashri ushbu ma’lumotni konsern bosh direktori Aleksey Krivoruchko va Bochkaryovning o‘ziga asoslanib keltirdi.

Bochkaryov qarorini bugungi kunda serdaromadroq bo‘lgan fuqarolik yo‘nalishidagi boshqa biznes-aktivlarini rivojlantirish niyati bilan tushuntirdi. Uning so‘zlariga qaraganda, “Kalashnikov”ni rivojlantirish ishi bilan Aleksey Krivoruchko shug‘ullanadi.

Iskandar Mahmudov jurnalistlarning qo‘ng‘iroqlariga javob bermadi.