Chilonzorda 20 million so‘mdan ortiq qimmatliklarni o‘g‘irlagan talonchilar guruhi ushlandi

Poytaxtning Chilonzor tumani huquq-tartibor idoralari xodimlari katta miqdordagi mablag‘ni talonchilik yo‘li bilan o‘g‘irlagan jinoiy guruhni qo‘lga oldi. Bu haqda Toshkent shahar IIBB xabar bermoqda.

Xabarnomada aytilishicha, 18-oktabr kuni soat 8:00–19:00 da noma’lum shaxs Chilonzor tumani hududida fuqaro Sobirova Gulnora Ma’murovnaning xonadoniga eshikni buzib kirib, unga tegishli 17 million so‘m pul va bahosi 4 million so‘m bo‘lgan LG rusumli televizorini o‘g‘irladi.

Holat yuzasidan JKning 169-moddasi 2-qismi “g” bandi (o‘g‘rilik, ya’ni uy-joyga g‘ayriqonuniy ravishda kirib, o‘zganing mol-mulkini yashirin ravishda talon-toroj qilish) alomatlari bilan jinoyat ish qo‘zg‘atilgan edi.

Ichki ishlar idoralari xodimlari tomonidan o‘tkazilgan tergov-tezkor tadbirlar natijasida jinoyatni muqaddam sudlangan G‘ulomov Dilshod Zuhriddinovich, Usmanov Ilfat Demurshaxovich va Teplenskaya Yuliya Yuryevnalar sodir etgani aniqlandi.

Hozirda dastlabki tergov harakatlari davom ettirilib, ularning boshqa jinoyatlarga aloqadorliklari tekshirilmoqda.