JCh—2018. Yevropa pley-offida ilk durang. Daniya o‘z uyida irlandlarni yenga olmadi
Rossiya—2018 mundiali uchun harakat qilayotgan Yevropaning 8 mamlakati pley-offning dastlabki o‘yinlarini to‘liq yakunladi.
Uning so‘nggi to‘qnashuvida Daniya termasi o‘z maydonida Irlandiyani yenga olmadi — 0:0. Bungacha Italiya safarda Shvetsiyadan yengilgan bo‘lsa, Xorvatiya Gretsiyadan yirik hisobda ustun kelgan, Shveysariya Shimoliy Irlandiyada zafar quchishga erishgandi.
Daniya saralashda Polsha soyasida qolgandi. Guruhda ular Ruminiya, Chernogoriya kabi termalardan ustunroq bo‘la olgan. Irlandiyaning kuchi esa Serbiyaga biroz yetmagan, ammo ular Avstriya, Uels kabilardan oldinroqda bo‘lishni uddalay olgandi. Irlandiya va Daniyaning javob to‘qnashuvi 14-noyabr kuni bo‘lib o‘tadi.
Pley-offning javob bellashuvlari bugundan start oladi.
12-noyabr, yakshanba
Shveysariya — Shimoliy Irlandiya
Gretsiya — Xorvatiya
13-noyabr, dushanba
Italiya — Shvetsiya
14-noyabr, seshanba
Irlandiya — Daniya