Ispaniya bosh vaziri inqiroz boshlanganidan buyon birinchi marta Barselonaga keldi

Ispaniya hukumati rahbari Mariano Raxoy 12-noyabr kuni Barselonaga tashrif buyurdi. Bu haqda “Interfaks” xabar bermoqda.

Raxoyning safari uning Xalq partiyasi bo‘yicha hamkasbi Shavyer Albiol Kataloniyada 21-dekabr kuni o‘tadigan mintaqaviy saylovda ishtirok etishi munosabati bilan tashkil etildi.

Muqaddam federal hukumat mahalliy hokimiyat va parlamentni tarqatib yuborib, navbatdan tashqari saylovni belgilagan edi.

Ispaniya markaziy hukumatining Kataloniyaga nisbatan siyosatiga izoh berarkan, Raxoy Ispaniya bilan qo‘shni har bir davlat shu yo‘lni tutishini ma’lum qilgan edi.