Eronda 7,2 magnitudali zilzila qayd etildi. Qurbonlar soni 140 dan oshdi 

Eronda 12-noyabr, yakshanba kuni ro‘y bergan zilzila oqibatida 141 kishi halok bo‘ldi. Bu haqda mahalliy rasmiylarga tayanib, Press TV telekanali ma’lum qildi, deya xabar beradi “RIA Novosti”.

Yevropa O‘rtayer dengizi seysmologiya markazi Eron va Iroq chegarasida kuzatilgan yerosti silkinishi 7,2 magnitudaga ega bo‘lganini qayd etdi.

Iroqda 6 kishi tabiiy ofat qurboni bo‘ldi.

Qizil Yarimoy tashkilotiga ko‘ra, 70 mingga yaqin eronlik boshpanasiz qoldi va vaqtinchalik uy-joyga muhtoj. Rasmiylar jabrlanganlarga yordam ko‘rsatish uchun barcha zarur choralarni ko‘rayotgani bildirilmoqda.