Made in Uzbekistan ko‘rgazmasida 10,5 mln dollarlik shartnomalar imzolandi

7—9-noyabr kunlari Toshkentda mamlakat iqtisodiy muvaffaqiyatlariga bag‘ishlab o‘tkazilgan Made in Uzbekistan ko‘rgazmasida O‘zbekiston kompaniyalari 10,5 million dollarlik shartnomalar tuzdi, deb yozadi “Gazeta.uz”.

Savdo-sanoat palatasi ma’lumotlariga ko‘ra, shartnomalar Kuvayt, Tojikiston va Qozog‘iston kompaniyalari bilan imzolangan.

Tadbirda avtomobil, yengil, eletrotexnika, kimyo, tog‘-metallurgiya, mebel sanoati, qurilish industriyasi, farmatsevtika tarmog‘i, ta’lim va boshqa sohalardan 220 ta mahalliy ishlab chiqaruvchilar qatnashgan.