4 yashar qizini kaltaklab, buni videoga olgan ota sobiq militsiya xodimi ekani ma’lum qilindi

4 yashar qizini haqoratlar bilan kaltaklab, mazkur harakatlarini videoga olgan otaning kasbi va yashash joyi haqida ma’lumotlar paydo bo‘ldi.

“Kun.uz” xabariga ko‘ra, 4 yashar qizini haqoratlab kaltaklagan shaxs Toshkentning shahar Chilonzor tumani 8-mavzeda istiqomat qiluvchi A.X. bo‘lib chiqqan.

Ma’lum bo‘lishicha, u muqaddam ichki ishlar organlarida ishlagan. 2017-yil oktabr oyida esa ishdan ketish haqida raport yozib, ishdan bo‘shagan.

Avvalroq 4 yashar qizini kaltaklab, jarayonni videoga olgan shaxsga nisbatan Chilonzor tuman prokuraturasi tomonidan jinoyat ishi ochilgani haqida xabar berilgan edi.