Erondagi zilzila oqibatida qator yodgorliklar zarar ko‘rdi

Eronning g‘arbiy viloyatlarida ro‘y bergan zilzila oqibatida bir necha tarixiy obyekt va yodgorlikka zarar yetdi. Buhaqda Eron madaniy meros, kasb-hunar va turizm tashkiloti rahbari Ali Asqar Munison bayonot berdi, deb xabar qiladi “RIA Novosti”.

“Zilzila Kirmonshoh viloyatidagi beshta obyektga va Ilam viloyatidagi yettita yodgorlikka zarar yetkazdi”, — dedi u.

Shu bilan birga, uning so‘zlariga qaraganda, madaniy obyektlarga yetkazilgan zarar uncha katta bo‘lmay, barchasini restavratsiya qilish mumkin.

Oxirgi ma’lumotlarga qaraganda, zilzila qurbonlari soni 400 kishidan oshdi.