Bir oy ichida Xitoy aviakompaniyasining ikkinchi styuardessasi samolyotdan tushib ketdi

Xitoyning Xiamen Air aviakompaniyasi styuardessasi salonga ovqat olib kirayotgan paytda samolyotdan tushib ketdi. Bu haqda “Gazeta.ru” xabar bermoqda.

Voqea 10-noyabr kuni Fuchjou Chanle aeroportida ro‘y berdi. Qiz ovqat turgan patnisni salonga olib kirayotganida bort va zina orasidagi ochiq joyga tushib ketdi. Styuardessa eshikni tutib qolmoqchi bo‘ldi, ammo buni eplay olmadi va 2,7 metr balandlikdan tushib ketdi.

Flight attendant is seriously injured after falling through gap between cabin door and stairs https://t.co/se5ehjxYpC

— Daily Mail Online (@MailOnline) November 13, 2017

Qiz umurtqa sinishi va boshqa jarohatlar oldi.

Shunga o‘xshash voqea Xitoyda oktabrda ro‘y bergandi. O‘shanda samolyot uchishga tayyorlanayotganida eshikni yopmoqchi bo‘lgan styuardessa pastga tushib ketgandi.