Foto va video: Dmitriy Medvedev va Donald Tramp Maniladagi sammitda

AQSh prezidenti Donald Tramp va Rossiya bosh vaziri Dmitriy Medvedev Filippinning Manila shahrida Janubi-Sharqiy Osiyo davlatlari Assotsiatsiyasi sammitida ishtirok etdi. Sammitning ochilishida uning ishtirokchilaridan o‘ng va chap tomonda turgan qo‘shnilarining qo‘lini siqqan holda suratga tushish so‘raldi. Meduza mazkur suratni taqdim etdi.

Marosim boshlovchisi suratga tushishda qo‘llarni chalishtirish kerakligini tushuntirgan. Suratdan va holat aks etgan videodan ko‘rinadiki, Donald Tramp tartibni to‘g‘ri tushunmagan. Dmitriy Medvedev esa hammasini butunlay noto‘g‘ri bajargan.

Dmitriy Medvedev uchun bu birinchi holat emas. Medvedev 2010-yilning oktabr oyida bo‘lib o‘tgan ASEAN — Russia sammitida ham xuddi shu holatda suratga tushgan.