Samsung Galaxy S9 va S9+ smartfonlarining tasvirlari paydo bo‘ldi

Internetda Samsung Galaxy S9 va S9+ smartfonlarining suratlari paydo bo‘ldi, deb yozadi “Hi-tech.mail.ru”.

Ularga ko‘ra, kichik Galaxy S9 Galaxy S8 ga o‘xshash bo‘ladi. Asosiy farqi — barmoq izi skaneri orqa paneldagi kamera pastiga joylashtiriladi.

Galaxy S9+ ning suratlarida esa u S9 dan ancha farq qilishini ko‘rish mumkin. Smartfonning burchaklari va qirralari ancha o‘tkir, orqa panelda esa barmoq izi skaneri ko‘rinmaydi. Ehtimol, katta versiyada skaner ekran ichiga joylashtiirlar.

Mavjud ma’lumotlarga ko‘ra, Galaxy S9 va S9+ 5,8 va 6,2 dyuymli displey, Snapdragon 845 protsessori, 16 megapikselli qo‘sh kamera (asosiy) va 12 megapikselli old qo‘sh kameraga ega bo‘ladi.