Russia Today AQShda xorijiy agent sifatida ro‘yxatdan o‘tdi

RT America telekanali AQShda xorijiy agent sifatida ro‘yxatdan o‘tdi. Bu haqda Russia Today bosh muharriri Margarita Simonyan ma’lum qildi, deya xabar beradi “Intefaks”.

“Jinoiy ish va qayta ro‘yxatdan o‘tish o‘rtasida oxirgisini tanladik. Bu bilan Amerika so‘z erkinligi va bunga ishonadigan barchani tabriklayman”, — dedi Simonyan.

Oldinroq AQSh adliya vazirligi Russia Today America’dan joriy yil 13-noyabrgacha xorijiy agent sifatida ro‘yxatdan o‘tishni talab qilgandi.

O‘z navbatida, Rossiya adliya vazirligi ham mamlakatda ishlovchi AQShning qator OAVlariga mazkur choralarga javoban ularning faoliyatiga cheklovlar joriy etilishi mumkinligi haqida ogohlantiruv yubordi.