Niderlandiya Rossiyani qirollik ichki ishlariga aralashishda aybladi

Niderlandiya ichki ishlar va qirollik ishlari vaziri Kaysa Ollongren Rossiya mamlakatdagi ichki jarayonlarga ta’sir o‘tkazish maqsadida yolg‘on xabarlar tarqatayotganini ma’lum qildi. Bu haqda “RIA Novosti” xabar bermoqda.

“Rossiya qaror qabul qilish jarayonlariga va jamoatchilik fikriga ta’sir o‘tkazishda elektron resurslardan foydalanmoqda”, — deyiladi vazirning parlament quyi palatasiga yo‘llangan murojaatida.

Ollongren xonimning so‘zlariga qaraganda, gap propaganda haqida, Rossiya va tilga olinmagan yana bir qancha davlatlar tomonidan qasddan soxta axborot tarqatilishi haqida ketmoqda.

Muqaddam Buyuk Britaniya bosh vaziri Tereza Mey Rossiyani xalqaro tartibni buzishda ayblagan edi.