Yekaterinburgning futbol va xokkey jamoalari etik kiyib, muz ustida bellashdi (video)

Rossiyaning Yekaterinburg shahrida “Ural” futbolchilari va “Avtomobilist” xokkeychilari o‘rtasida xayriya o‘yini bo‘lib o‘tdi. Sportchilar matchni muz ustida o‘tkazdi va etik kiyib o‘yinga tushdi, deb yozmoqda TJournal.

“Uralets” arenasida bo‘lib o‘tgan o‘yinning birinchi bo‘limida koptok yordamida xokkey o‘ynaldi. Unda “Avtomobilist” jamoasi 5:1 hisobida g‘olib chiqdi. Ikkiinchi bo‘limda bo‘lib o‘tgan futbol bahsida “Ural” 2:1 hisobida zafar quchdi.

O‘yindan tushgan 488 ming rubl “Everest” nomli maktab-internatga yo‘naltiriladi. U yerda bolalar falaji kasalligi tashxisi qo‘yilgan bolalar ta’lim oladi. Bu mablag‘lar hisobiga sport maydonchasi qurish rejalashtirilmoqda.