Hindistonning Tata konserni Tesla’ning raqibi uchun 900 mln dollar sarmoya kiritdi

Hindistonning Jaguar va Land Rover’ga egalik qiluvchi Tata konserni Amerikaning Faraday Future kompaniyasiga 900 million dollar kiritdi, u yaqin kelajakda o‘zining ilk modelini chiqarishga kirishishi kerak, deb yozadi “Motor”.

So‘nggi vaqtlarda Faraday Future kompaniyasi qiyinchiliklarni boshidan kechirmoqda: oktabrda uni bir yo‘la ikki top-menejer tark etgan edi. Bundan tashqari, marka birinchi modelni bozorga chiqarishni 2019-yilga qoldirdi.

Tata konserni Faraday Future’ning 10 foizli aksiyalari paketidan tashqari, Amerika firmasining elektr va telekommunikatsiya texnologiyalaridan foydalanish huquqiga ega bo‘ladi. 2016-yil oktabrida Faraday Future Janubiy Koreyaning LG Chem kimyo firmasi bilan elektromobillar uchun dunyodagi eng sig‘imdor litiy-ionli akkumulyatorlarni yaratish haqida shartnoma tuzgan edi.

Faraday Future’ning ilk modeli — FF 91 krossoveri yanvarda taqdim etilgandi. 5,2 metrli yo‘ltanlamas bir marta olgan quvvati bilan 700 km yo‘l bosa oladi. 2,39 soniyada 100 km/soat tezlikka erishadi.