O‘zbekistonda benzin solig‘i ikki barobarga tushirildi

Prezident Shavkat Mirziyoyev qarori bilan avtomobil benzini va dizel yoqilg‘isi iste’moli solig‘i 50 foizga tushirildi. Bu haqda UzNews xabar bermoqda.

Bundan tashqari, hujjatda ko‘rsatilishicha, 2018-yil 1-yanvaridan davlat organlari, tashkilotlari va hukumat komissiyalarining mahsulot, xomashyo va materiallar, ularning hajmlari va taqsimot dislokatsiyasining ushbu qaror holatlariga mos kelmaydigan chegara narxlarini belgilash vakolati bekor qilinadi (ijtimoiy ahamiyatga ega va strategik mahsulot bundan mustasno, uning ro‘yxatini Vazirlar Mahkamasi tasdiqlaydi).

Qarorda, shuningdek, 2017-yil 15-noyabridan avtomobil benzini va dizel yoqilg‘isi iste’moli solig‘i 50 foizga tushirilishi belgilangan.