Tailandda yuz bergan YTHda 3 nafar maktab o‘quvchisi halok bo‘ldi

Tailand shimoli-sharqida joylashgan Nakxonratchasima provinsiyasida avtobus ishtirokida yuz bergan yo‘l-transport hodisasida uch nafar maktab o‘quvchisi halok bo‘ldi va 48 kishi jarohatlandi. Bu haqda “TASS” xabar bermoqda.

Avtohalokat 15-noyabr, chorshanba kuni kechqurun yuz bergan. Dastlabki ma’lumotlarga ko‘ra, provinsiya hududidagi trassada harakatlanayotgan pikap maktab o‘quvchilari, ularning ota-onalari va o‘qituvchilarni olib ketayotgan avtobusning yo‘liga chiqib ketgan. Oqibatda transport vositalarining to‘qnashuvi yuz bergan. To‘qnashuvdan so‘ng avtobus yo‘lidan chiqib, ag‘darilib ketgan.

Jabrlanganlarning barchasi—boshlang‘ich sinf o‘quvchilari va kattalar shifoxonaga joylashtirilgan.