Mariy Elda YTH oqibatida 15 kishi halok bo‘lgani munosabati bilan motam e’lon qilindi

Rossiyaning Mariy El respublikasida yirik yo‘l-transport hodisasi oqibatida 15 kishi halok bo‘lgani munosabati bilan 17-noyabr, juma motam kuni deb e’lon qilindi. Bu haqda “RIA Novosti” xabar bermoqda.

16-noyabr, payshanba kuni kechga yaqin “Yoshkar-Ola — Kozmodemyansk” avtoyo‘lining 64-kilometrida Mercedes Sprinter mikroavtobusi va tirkamali yog‘och-taxta tashuvchi maxsus mashina to‘qnashdi.

Xususiy tadbirkorga tegishli mikroavtobus Yoshkar-Oladan tuman markazi — Yurinoga yo‘l olgandi.

Dastlabki ma’lumotlarga ko‘ra, mikroavtobus noqulay ob-havo sharoitida yo‘lning qarama-qarshi tomoniga chiqib ketib, maxsus mashina bilan to‘qnashgan.

YTH oqibatida 4 kishi, jumladan, 3 nafar bola jarohatlangani bildirilmoqda.