MIB boshlang‘ich narxi 3,66 mlrd so‘m bo‘lgan Lada avtosalonini auksionga qo‘ydi

O‘zbekiston Respublikasi Bosh prokuraturasi qoshidagi majburiy ijro byurosi yangi musodara qilingan ko‘chmas mulk va avtomobillarni onlayn kimoshdi savdosiga qo‘ydi, deb xabar beradi UzNews.

Savdoga qo‘yilgan lotlar orasida boshlang‘ich bahosi 88 million so‘m bo‘lgan Captiva, 25 million so‘mlik Cobalt va Spark, shuningdek 66 million so‘mlik Malibu avtomobillari bor.

Bundan tashqari, savdoga bir nechta ko‘chmas mulklar ham qo‘yilgan. Xususan, Farg‘ona viloyatidagi boshlang‘ich narxi 250 million so‘m bo‘lgan supermarket, 3,66 milliard so‘mga baholangan Toshkentdagi Lada avtosaloni, 519 million so‘mga baholangan Samarqanddagi do‘kon hamda 214,5 million so‘mga baholangan Farg‘ona viloyatidagi ko‘chmas mulk binosi shular jumlasidan.

Bugunga qadar kimoshdi savdolariga 600 ga yaqin lotlar qo‘yilgan, ulardan 63 foizi sotilgan.