Maduro Ispaniyadan qochoq muxolifatchini qaytarmaslikni so‘radi

Venesuela prezidenti Nikolas Maduro Ispaniya hukumatidan mamlakatdan qochib ketgan muxolifatchi Antonio Ledesmani qaytarmaslikni so‘radi, deb xabar berdi “RIA Novosti”.

Vampir bizdan Madridga qochib ketdi, yaxshisi uni bizga qaytarishmasin.

Nikolas Maduro, Venesuela prezidenti

Uy qamog‘ida saqlangan Ledesma 17-noyabr, juma kuni ertalab qo‘shni Kolumbiyaga, u yerdan Avianca kompaniyasining reysi orqali Ispaniyaga qochib ketgan.

2015-yilda Ledesma Karakas meriyasida hibsga olingan. Rasmiylar uni prezidentga qarshi davlat to‘ntarishini uyushtirishga aloqadorlikda ayblagan edi.