OAV: Pokistonda sodir bo‘lgan YTH oqibatida 20 ga yaqin odam halok bo‘ldi

20-noyabr, dushanba kuni Pokistonda ko‘mir ortilgan yuk mashinasi hamda yo‘lovchi tashishga mo‘ljallangan furgon o‘rtasida sodir bo‘lgan yo‘l-transport hodisasi oqibatida kamida 17 kishi halok bo‘ldi, yana besh kishi jarohat oldi. Bu haqda Geo TV telekanaliga tayanib “TASS” xabar berdi.

Telekanal ma’lumotlariga ko‘ra, YTH Sind viloyatining Xayrpur shahrida sodir bo‘lgan. Yuk mashina haydovchisi furgonni quvib o‘tayotib boshqaruvni yo‘qotib qo‘ygan.

Jarohatlanganlar mahalliy shifoxonaga yetkazilgan, ulardan ikki nafarining ahvoli og‘ir.