Dubayda dunyodagi yagona Bentley Mulsanne kabrioleti topildi

Dubayda eng yirik Bentley shou-rumida Mulsanne flagman sedanidan yaratilgan Grand Convertible kabrioletining birinchi va hozircha yagona nusxasi topildi, deb yozadi “Motor”.

Avtomobilni qurish bilan Mulliner’ning individual buyurtmalarga ixtisoslashgan bo‘linmasi shug‘ullangan. Bentley’ning 2019-yilda nishonlanadigan 100 yillik yubileyi munosabati bilan modelni bor-yo‘g‘i 19 ta nusxada chiqarishadi. Grand Convertible’ning bahosi — 3,5 million dollar.

Kabriolet Mulsanne Speed sedani bazasiga qurilgan, ammo 10 santimetrga kichikroq qilingan. U 6,75 litrli, 537 ot kuchiga teng V12 motori bilan jihozlangan.

Katta kabriolet prototipini kompaniya 2014-yilda Los-Anjelesdagi avtosalonda taqdim etgan.