Farg‘ona shahrida 7 qavatli beshta turar joy binosi foydalanishga topshirildi

Farg‘ona shahrining Nurafshon ko‘chasida zamonaviy uy-joylar foydalanishga topshirildi. O‘zA axborotiga ko‘ra, tadbirda Farg‘ona viloyati hokimi Shuhrat G‘aniyev so‘zga chiqqan.

“Yangi zamon binosi” kompaniyasi quruvchilari tomonidan bunyod etilgan bu uy-joylar ichimlik suvi, kanalizatsiya tizimi, tabiiy gaz tarmoqlariga ulangan. Qayd etishlaricha, xonadonlar imtiyozli kreditlash tizimi asosida yosh oilalarga ham berilmoqda.

O‘zAning qo‘shimcha qilishicha, 2018-yilgi dastur asosida mazkur hududda yana 10 ta 7 qavatli uy qurilishi rejalashtirilgan.