Zimbabve parlamenti yangi davlat rahbarining ismini e’lon qildi

Zimbabve prezidenti mansabini Robert Mugabedan keyin Emmerson Mnangagva egallaydi. Bu haqda, Associated Press agentligiga asoslanib, “RBK” xabar bermoqda.

Mamlakat parlamenti yangi davlat rahbari 24-noyabr kuni mansabiga kirishinini ma’lum qildi. Yaqin vaqt ichida Mnangagva poytaxt Xararening harbiy aerodromiga yetib kelishi kutilmoqda.

ZBC telekompaniyasiga ko‘ra, hozirda Mnangagva mamlakatdan tashqarida. Ilgari u vitse-prezident lavozimini egallagan.