Shavkat Mirziyoyev va Mun Chje In muloqotni delegatsiyalarning kengaytirilgan tarkibdagi muzokarasida davom ettirdi

O‘zbekiston Respublikasi Prezidenti Shavkat Mirziyoyev va Janubiy Koreya prezidenti Mun Chje In muloqotni ikki mamlakat rasmiy delegatsiyalarining kengaytirilgan tarkibdagi muzokarasida davom ettirdi, deb xabar beradi O‘zA.

Tomonlar savdo-iqtisodiy, sarmoyaviy, madaniy-gumanitar sohalardagi hamkorlikni kengaytirishga oid masalalarni muhokama qildi.

Oliy darajadagi uchrashuvda o‘zaro manfaatli hamkorlikni rivojlantirish uchun mavjud imkoniyat va salohiyat to‘liq ishga solinmayotgani qayd etildi. Ushbu ko‘rsatkichlarni yanada oshirish bo‘yicha yangi qadamlar tashlanishi ta’kidlandi.

Shavkat Mirziyoyevning Janubiy Koreyaga tashrifi davom etmoqda.