Hindistonga 58 nafar askar bitta mototsiklda harakatlanib jahon rekordini yangiladi (video)

Hindistonning Bangalor shahrida “Tornado” harbiy mototsiklchilar guruhi bitta mototsiklda harakatlanishi mumkin bo‘lgan odamlar soni bo‘yicha jahon rekordini yangiladi, deb xabar berdi India Today.

Ular sezilar-sezilmas modifikatsiya qilingan Royal Enfield mototsikl markasidan foydalandi. Bir kishi rulga o‘tirgan, yana bir kishi harakatlanish vositasining ortiga turgan holda joylashgan, qolgan 56 kishi mototsikl yoniga qo‘shilgan plankalarga chiqib olgan.

Umumiy hisobda 58 kishi mototsiklda 1200 metr harakatlangan. Natija Ginnesning rekordlar kitobiga kiritilgan. Bundan oldingi rekord ham hindlar tomonidan o‘rnatilgan bo‘lib, uni boshqa jamoa o‘rnatgan; 2010-yilda ustiga 56 nafar askar va ofitserlar chiqib olgan mototsikl harakatlanishga muvaffaq bo‘lgan edi.