Afg‘onistonda yuz bergan terakt oqibatida 6 kishi vafot etdi

Afg‘oniston sharqidagi Jalolobod shahrida 23-noyabr, payshanba kuni portlash sodir bo‘ldi, deb xabar beradi “RIA Novosti”.

Terakt oqibatida kamida olti kishi halok bo‘ldi.

Nangarxar viloyati gubernatori Ataulla Xogiyani portlash sodir bo‘lganini tasdiqlagan. Uning so‘zlariga ko‘ra, portlash tuman politsiyasining sobiq komandiri uyining yonida sodir bo‘lgan.

Guvohlarning aytishicha, portlovchi moslama xudkush terrorchi tomonidan harakatga keltirilgan.

Hozirga qadar bironta terrorchilik guruhi terakt javobgarligini o‘z zimmasiga olmagan.